Proace City - ეს არის კომპაქტური ავტომობილი დიდი ამბიციებით. თქვენ დაგხვდებათ უახლესი ტექნოლოგიები, შეუფერხებელი კავშირი და მოწინავე ელექტრული ძრავა. ადაპტირებადი, მანევრული და ახალი დიზაინის მქონე ავტომობილი მზად არის თქვენი ბიზნესი ახალ ეტაპზე გადაიყვანოს.
თქვენი არჩევანი
ამ კომპაქტური და მრავალფუნქციური ფურგონის გამოყენება შესაძლებელია სხვადასხვა სახის ბიზნესისთვის. მას გააჩნია ძარის ორი ტიპი, ორი განსხვავებული სიგრძე და ელექტრული ძრავის რეჟიმი, ასე რომ არანაირ კომპრომისზე წასვლა არ მოგიწევთ.
ოთხკარიანი ფურგონის უნივერსალურ სალონში ტვირთთან ერთად შესაძლებელია ხუთი მგზავრის განთავსება. Proace City-ს გრძელი თვლების ბაზის წყალობით იქმნება ინტერიერის დიდი სივრცე, ხოლო თუ მეტი ფართი გესაჭიროებათ, შეგიძლიათ უკანა სავარძელი დაკეცოთ, ტიხარი წინ გადაწიოთ და უკვე ორმაგი მოცულობის ტვირთი გადაიტანოთ.
Proace City გზებზე პრაქტიკული, ადვილად სამართავი და მანევრულია, ასევე საკმაოდ კომპაქტური და შთამბეჭდავი ტვირთამწეობის უნარითაც გამოირჩევა. Proace City ნებისმიერი საქმის შესრულებისას საიმედო პარტნიორად მოგევლინებათ.
ძრავები
ყველა ბიზნესი უნიკალურია, ამიტომაც Proace City ხელმისაწვდომია მოწინავე ძალური აგრეგატებით, მათ შორის მოწინავე ბენზინის და დიზელის ძრავებით. დაბალი დონის ემისიების მქონე შიდა წვის ძრავები ავტომობილის კარგ მართვადობას და საწვავის ეკონომიურობას განსაზღვრავს.
მობილური ოფისი
Proace City-ს ჭკვიანი სალონი, რომელიც საგანგებოდ გზებზე საცხოვრებლად არის შექმნილი, არაერთ სასარგებლო ფუნქციას აერთიანებს. უხმო სალონი კონდიციონერით, ციფრული ეკრანი და სურვილისამებრ ორი ან სამი სავარძელი თქვენს კომფორტს უზრუნველყოფს.
ინოვაციური ციფრული სალონი თითოეული მგზავრობის ხარისხს აუმჯობესებს. რეგულირებადი ეკრანის და შეუდარებელი გამოსახულების 10 დუიმიანი კომბიმეტრი განიჭებთ სრულ კონტროლს, ხოლო ინტუიციურად გასაგები 10 დუიმიანი ProTouch მულტიმედიური სენსორული ეკრანი აპლიკაციებით Apple CarPlay და Android Auto™, შეუფერხებელ კავშირს უზრუნველყოფს.
ამოწმებთ შეკვეთებს, თუ ელ.ფოსტით წერილებს წერთ, თქვენი სმარტფონი სამუშაო დღის განუყოფელ ნაწილს წარმოადგენს. უსადენო დასამუხტი პანელის და მოხერხებულად განლაგებული ორი USB-C პორტის წყალობით ტელეფონი მუდმივად დამუხტული გექნებათ.
Proace City სატრანსპორტო საშუალებაზე მეტია, ეს ფურგონი დატვირთული დღის განმავლობაში თქვენი ოფისიცაა. მისი მყარი მაგიდა, რომელიც შუა დასაკეც სავარძელშია ჩამონტაჟებული, მოსახერხებელია როგორც სამუშაოდ, ისე საკვების მისაღებად.
სივრცე არასოდესაა ზედმეტი. აწიეთ სავარძელი და შიგნით დამატებითი სათავსო (არჩევითი) დაგხვდებათ - უსაფრთხო და მოსახერხებელი ადგილი, სადაც შეგიძლიათ ყოვედღიური გამოყენების ნივთები და მნიშვნელოვანი აღჭურვილობა შეინახოთ.
უსაფრთხოება
Proace City თავის კლასში საუკეთესო უსაფრთხოების ტექნოლოგიებით არის აღჭურვილი. Toyota-ს უსაფრთხოების სისტემები წარმოადგენს აქტიური უსაფრთხოების ტექნოლოგიების ნაკრებს, რაც უზრუნველყოფს თქვენს და საგზაო მოძრაობის სხვა მონაწილეთა უსაფრთხოებას 24 საათის განმავლობაში. ქალაქის გზებსა თუ ავტომაგისტრალზე Proace City საიმედოდ დაგიცავთ.
Toyota Safety Sense-ის ზოლიდან გადასვლის გამაფრთხილებელი სისტემა იყენებს კამერას, რის საშუალებითაც აფიქსირებს საგზაო ზოლებს და ზოლიდან გადასვლის შემთხვევაში, თუ ეს მოხდა მოხვევის მაჩვენებელი ინდიკატორის ჩართვის გარეშე, აფრთხილებს მძღოლს ვიზუალური და აუდიო სიგნალით. პარალელურად, ამოქმედდება საჭის მართვის დამხმარე სისტემა, რომელიც აკორექტირებს საჭეს და ავტომობილს აბრუნებს თავის ზოლში.
ჩვენი შეჯახების პრევენციის სისტემა დაგეხმარებათ აიცილოთ სხვა ავტომობილებთან, ქვეითებთან და ველოსიპედებთან შეჯახება. იგი მძღოლს აფრთხილებს ხმოვანი და ვიზუალური სიგნალების მეშვეობით და ეხმარება დამუხრუჭებისას. თუ მძღოლი დროულად დამუხრუჭებას ვერ ასწრებს, მუხრუჭები ავტომატურად მოქმედებს, რათა აღკვეთოს ან შეამსუბუქოს შეჯახება.
ეს სისტემა ინარჩუნებს წინასწარ მითითებულ, მინიმალურ დისტანციას თქვენსა და წინ მიმავალ ავტომობილს შორის. თუ აღნიშნული დისტანცია მცირდება, სისტემა ამცირებს ავტომობილის სიჩქარეს და მოქმედებაში მოჰყავს მუხრუჭები ასევე, სამუხრუჭო მაშუქები.
ავტომატური შორი განათების სისტემა აკონტროლებს გზას, რათა დააფიქსიროს საპირისპიროდ მომავალი ავტომობილის მაშუქები. თუ მაშუქებს აღმოაჩენს, შორი განათება ავტომატურად ირთვება ახლო განათების რეჟიმზე. ავტომობილის ჩავლის შემდეგ, სისტემა ისევ შორ განათებაზე გადაერთვება. შედეგად, ღამით მოძრაობა ყველასთვის უსაფრთხო ხდება.
ჩვენი ბრმა ზონის მონიტორინგის სისტემა აფრთხილებს მძღოლს ნებისმიერი ავტომობილის შესახებ, რომელიც შეიძლება გვერდით სარკეებში არ ჩანდეს. იგი განსაკუთრებით გამოსადეგია გასწრებისას.
აირჩიეთ თქვენი კომპლექტაცია:
PROACE CITY Entry
SWB პანელიანი მიკროავტობუსი 4 კარიანი
PROACE CITY COMFORT
SWB პანელიანი მიკროავტობუსი 4 კარიანი
PROACE CITY Comfort +
LWB პანელიანი მიკროავტობუსი 4 კარიანი
აქსესუარები
მიუხედავად თქვენი ბიზნესის ტიპისა, Toyota მაქსიმალურად შეგიწყობთ ხელს. მოირგეთ ინდივიდუალურად თქვენი ფურგონის თითოეული ელემენტი, მათ შორის ტვირთამწეობის და პრაქტიკულობის კუთხითაც. Toyota-ს ორიგინალი აქსესუარები შექმნილია იმავე მაღალი სტანდარტების მიხედვით, რითაც თქვენი ავტომობილები. Toyota-ს ორიგინალი აქსესუარების წყალობით თქვენი სამუშაო დღე უფრო ეფექტური და ნაყოფიერი იქნება.
