Plug-in ჰიბრიდი შექმნილია არა მხოლოდ სამგზავროდ, არამედ იმისთვისაც, რომ გამორჩეულიც იყოს. ავტომობილი აერთიანებს სრულფასოვანი ქროსოვერის გარეგნულ იერს, დინამიკურ და ელეგანტურ ურბანულ დიზაინს. მისი დახვეწილი დიზაინის მიღმა გვხვდება ორმაგი სიმძლავრის, ჩვენი მე-4 თაობის ჰიბრიდული ტექნოლოგია და მაღალი მოცულობის ლითიუმ-იონური ბატარეა, რომელიც სწრაფი აჩქარების უნარით და თავის კლასში გარბენის მანძილით გამოირჩევა.
ძრავა
მყისიერი სიმძლავრე, გამორჩეული ეფექტურობა
თავის კლასში საუკეთესო CO2 ემისიების (22გ/კმ) და საწვავის მოხმარების დაბალი მაჩვენებლები (1.3 ლ/100კმ) მოწმობს იმას, რომ RAV4 Plug-in ჰიბრიდი გამორჩეულად ეკონომიური და პროდუქტიული ავტომობილია. ახალი 18.1 კვტ ლითიუმ-იონური ბატარეის წყალობით, მხოლოდ ელექტრულ რეჟიმში (EV) 65კმ-ზე* მეტ მანძილს გაივლით, 6.6 კვტ საბორტო დამტენით კი ბატარეის დამუხტვას სულ რაღაც 2.5 საათი სჭირდება.
ინტერიერის კომფორტი
დახვეწილი ინტერიერი
RAV4 Plug-in ჰიბრიდის სალონში იდეალური პირობებია მშვიდი და სასიამოვნო მოგზაურობისთვის. ტყავის ფართო სპორტული სავარძლები კომფორტულ და სასიამოვნო მგზავრობას გპირდებათ, ხოლო 520ლ მოცულობის საბარგული, ბატარეის მინიმალური დატვირთვით, მოსახერხებელ საბარგო სივრცედ გევლინებათ. ავტომობილი აღჭურვილია საქარე მინაზე საპროექციო გამოსახულების სისტემით, 9 დინამიკიანი JBL პრემიალური აუდიო სისტემით, უსადენო დამტენითა და საბარგულის 230 ვოლტიანი შესაერთებლით, რაც თქვენი კომფორტული და სასიამოვნო მგზავრობს გარანტიაა.
კავშირი ავტომობილთან
მზად ნებისმიერი გაუთვალისწინებელი გარემოებისთვის
ავტომობილის გასართობი და კავშირის ფუნქციებით დაუბრკოლებლად სარგებლობისთვის, ინტუიციურად გასაგები ხელსაწყოთა პანელი აღჭურვილია სენსორული მონიტორით, ჩვენი უახლესი მულტიმედიური სისტემით და სმარტფონის ინტეგრაციის შესაძლებლობით. Apple CarPlay™ და Android Auto™ აპლიკაციებით შესაძლებელია მუსიკის პარამეტრების, ზარების და სხვა არაერთი ფუნქციის მართვა.